احمدك يا رب

احمدك يا رب الواحد فعلا مكنش يعرف يتصرف ازاي

رساله من صديق اعجبتني

مشربتش من نيلها .. جرب كده كولديرها حسيت انك عاوز تقتل اللى سارقينها وناهبينها
ممشتش فى حواريها .. وافران العيش فيها اه يانا من حكومتنا وعمايلها وبلاوييييييها
جرب كده مره واكتب شكوى وخدها وروح القسم هتلاقى نفسك فى الحجز لأ وبتهمة عدم الفهم
ادى حكومتنا وادى عمايلها .. ولاثورة بتيجى فيوم وتشيلها ونرتاح م اللى خاربينهااا

ومشربتش من نيلها .؟؟

شوف كدب البناات والفشر............مع الاعتذار للبنات اللي مش من النوع ده

1- حبيبي حاسه اني اعرفك من زمااااان..........بتقولها وهيامطلعة لسانها

2- حبيبي بحس انك غير عن كل الشباب والله ...... عندى ثلاث عيون وانا مش واخد بالي

3- ياريتني ياقلبي عرفتك من زمان ...........وهيا عرفت اكتر من 73 واحد قبلي

4- انامبطلعش خالص من البيت ويوم ما بطلع راسي علي طول في الارض وعمري ما بشوف حد .......متقولش الي خلقك مخلقش غيرك

5- الصيف دا احتمال نسافر باريس ولندن وجنيف ....... وهيا لو طلعت بره بيتهم تستهوي

6 - تصدق حبيبي انامبحبش ألبس إلا ماركات عالميه ..........وهيا بتشتري هدومها بالجمله

7- حبيبيى انا النهارده مقدرتش ارنلك معلش علشان مش معايا رصيد ..... يا أخي افهم وهاتلي كارت شحن

8- تعرف انا من البنات الي تحب طول ما هيا ماشيه تصرف فلوس متفهمش في ايه ... لا تعليق

9 - النهارده يا قلبي كانوا هيخطبني لواحد معرفوش ... تعالي اخطبني واتدبس يلا

10 - النهارده عيد ميلادي يا قلبي ... اول عيد ميلاد ليا معاك ..... نفسها في هديه بس بعينها

11 - ياروح قلبي والله بابا كان في اوضتي طول النهار امبارح معرفتش اتصل بيك ..... سبحان الله ساب الشقه كلها وقعد في اوضتها

12- معلش يا بيبي رايحه للكوافير علشان اعمل شعري ... وهوا ليفه اساسا والموضوع بيخلص لو في خلاط

13 - انت أملي الوحيد ... الفارس الي بحلم بيه ... راكب حصان ..... متقولش بتحب ابو لهب

14 - انا النهارده مش هخرج معاك اصلي هاعمل شوبنج وجيه ..... وهيا اخرها سوق الخضار تجيب طماطم وخيار

هههههههههههههههههههههه

وطبعا في الاخر برده لا زم أاكد علي اعتذاري للبانت اللي مش من النوع ده

وتقبلوا تحياتي

المحـــــــــ إللي مبيخفش ـــــــــــامي أحمد اللي مبينمش

مذيعة .. مع ايقاف التنفيذ ..

ازيكم .. انا ايار من برنامج " فضفض من قلبك " ...

هانتكلم انهاردة عن موضوع مش بيجى على بال ناس كتير .. بالرغم من اهميته فى حياتهم ... هانتكلم عن التصوير .. التصوير فى حياة كل واحد فينا ..

*من اول يوم فى حياتك وانت لسة بتوأوأ .. والدك بيبقى فرحان بيك جدا طبعا وبيبقى حريص انه يسجلك اول صرخة .. اول ضحكة .. اول سقفة .. وانت بتتمرج وانت مشلفط نفسك بالاكل وانت بتعلب بالكورة ....

*ومتنكرش احساس السعادة والفخر اللى بيتنابك وانت بتورى الصور دى لاحفادك وبتنقل لهم ذكرياتك من اول صورتك وانت فى اللفة ولحد صور حفلة تخرجك من الجامعة ....

* وبنفس الشكل اللى انت نقلت بيه تراثك لاحفادك واحفادك نقلوه لاحفاد احفادك برده الفراعنة استخدموا نفس الطريقة علشان ينقلوا لنا حضارتهم عن طريق تصوير او رسم تفاصيل حياتهم اليومية على جدران المعابد .. ولولا الرسوم دى .. اكيد حضارة قداء المصريين كلها ...كانت هاتبقى فى خبر كان !!

* وفى حياتنا المعاصرة التصوير بقى مهم جدا وخاصة فى معاملاتنا الرسمية لاننا بنحتاج الصور الشخصية - ال4فى 6 دى عارفينها؟- واحنا بنطلع شهادة ميلاد , شهادة تخرج , جواز سفر الخ الخ ..

* صعبان عليا اوى الناس اللى اتولدت وعاشت قبل اختراع التصوير .. لان الرسامين كانوا بيرسموا الملوك والامراء اما الناس العاديين .. طبعا مكانوش يقدروا يجيبوا رسامين علشان يرسموهم .. يعنى الناس دول عاشوا وماتوا بلا ماضى ومن غير مايخلدوا ذكراهم الا فى قلوب الناس اللى عرفوهم وحبوهم ..

* وعلشان كدا انا بحيي اللى اخترع التصوير .. وبحيي اكتر اللى ابتكر كاميرا الموبايل ..لانه مش بس اتاح للناس انهم يصوروا كل اللحظات الجميلة فى حياتهم .. لا دا اتاح ليهم كمان يصوروا اى لقطة ممكن تلفت انتباهم فى اى مكان واى زمان..

* ونصيحة من برنامجنا لصديقى المشاهد:

انزل بكرة اشترى البوم كبييييييير وجمع فيه كل صورك وصور عيلتك وحبيايبك وصحابك ... واوعى .. اوعى تروح مكان ومتتصورش فيه .. دى اللحظة اللى بتروح مبترجعش تانى .. مش كدا ولا ايه ؟!

*وكمشاركة بسيطة من برنامجنا فى ذكرياتكم هانعمل مسابقة لاحسن واطرف صورة صورتوها بنفسكم ...

هانستنى رسايلكم على ايميل برامجنا min _2albak @ainshamsuniv .com >>

وهانستقبل اتصالاتكم التليفونية على مدار حلقاتنا الجاية علشان تحكولنا على ذكرياتكم مع الصور والتصوير ...

فانتظرونا .. والى اللقاء ..

اللى فات دا كان تصورى عن برنامج كنت محضراه علشان اقوله فى محاضرة دكتور غادة واللى جاتلى فكرته من بوست كتبته فى مدونتى بعنوان " انا انسانة بلا ماضى " http://3enadeya.blogspot.com/2008/03/blog-post_07.html

وبالمناسبة دكتور غادة دى اللى هاتمتحنا امتحان المذيعين (ربنا يستر ادعولى ) وانا بعشق الدكتورة دى لدرجة ان انا - البربنت !- لما بقف قدامها مبعرفش اقول ولا كلمة .. دكتورة كدا بتنح قصادها هياما وعشقا ..

و كان المفروض هارتجل الموضوع دا قدام الدفعة كلها - ياخبر! - كويس ان انا معملتهاش .. بس انا كنت محضراه وحفظاه .. يعنى ولا هارتجل ولا حاجة .. لكن للاسف انا ولا رحت .. ولا قلت ولا ارتجلت ...

هاتسألونى ليه ؟!

روحوا اسالوا المنبه .. منه لله !

المهم انى لو مكنتش قلته كنت هاطق اموت .. يعنى يرضيكم اطق اموت ؟!

اينعم انتوا لو كنتوا سمعتوه بصوتى كان هايأثركم طبعا بس معلش ...

غمضوا عينكم وتخيلونى وانا بقوله !!

ملحوظة صغنتتة :

" الايميل اللى فى البرنامج فوق دا ايميل وهمى لحسن حد يوزه عقله يدخل يعنى .."

ها يلا قولولى رايكم ايه فى البرنامج ؟!

قلته حلو ؟!

الاعلامية المهيـــــ ايار الكويسة ـــــــسة

بمناسبة يوم المرأه .............. ما قيل عن المرأه علي لسان انيس منصور

1- المراة انسان شديد التعقيد وشديد الحساسية

2- الرجل الذى لا يقهر جاذبية الارض تقهره جاذبية المراة

3- اغبى امراة تخدع اذكى رجل ولكن اذكى امراة لا تستطيع ان تخدع اغبى رجل

4- الحب نادر والصداقة اندر

5- الرجل يحب اللعب الخطر ولذلك يحب المراة

6- الطفل تربيه امه والرجل تربيه زوجته

7- المراة كالظل : تهرب منه يطاردك وتطارده يهرب منك

8- الوحدة : ان يتفق رجلان والانسجام ان يتفق رجل وامراة

9- الرجل يريد كل ما يستطيع والمراة تريد كل ما لا تستطيع

10- الحب الحقيقى : هو ان تحب الشخص الوحيد القادر على ان يجعلك تعيسا

11- الاهمال يقتل الحب والنسيان يدفنه

12- المراة الجميلة كالملك يمدحها الناس لمصلحه

13- المراة تحطم عقل الرجل والرجل يحطم قلب المراة

14- انت لا تعرف قلبك حتى تفشل فالحب

15- الحب ان ترى انت بعينها وترى هى بعينيك

16- الذى يعذبنى وسوف يعذبنى انك لا تعرف ما الذى يعذبنى

أساطير جميلة عن اصل كلمة الحب اعمى ومجنون

فى قديم الزمان‏حيث لم يكن على الأرض بشر بعد ....‏كانت ‏الفضائل والرذائل.. تطوف العالم معا"..‏وتشعر بالملل الشديد....‏ذات يوم... وكحل لمشكلة الملل المستعصية...‏اقترح ‏الأبداع.. ‏لعبة.. وأسماها الأستغماية..‏أحب الجميع ‏الفكرة...‏وصرخ ‏الجنون : ‏أريد أن أبدأ.. أريد ‏أن أبدأ...‏أنا من سيغمض عينيه.. ويبدأ العدّ...‏وأنتم ‏عليكم مباشرة الأختفاء....‏ثم أنه اتكأ بمرفقيه..على شجرة.. وبدأ...‏واحد... اثنين.... ثلاثة....‏وبدأت الفضائل والرذائل ‏بالأختباء..‏وجدت ‏الرقة ‏مكانا لنفسها فوق ‏القمر..‏وأخفت ‏الخيانة ‏نفسها في كومة زبالة...‏دلف ‏الولع... ‏بين الغيوم..‏ومضى ‏الشوق ‏الى باطن الأرض...‏الكذب ‏قال بصوت عال: سأخفي نفسي تحت الحجارة.. ثم‏توجه لقعر البحيرة..‏واستمر ‏الجنون: ‏تسعة وسبعون... ‏ثمانون.... واحد‏وثمانون..‏خلال ذلك‏أتمت كل الفضائل والرذائل ‏تخفيها...‏ماعدا ‏الحب...‏كعادته.. لم يكن ‏صاحب قرار... وبالتالي لم يقرر‏أين يختفي..‏وهذا غير مفاجيء ‏لأحد... فنحن نعلم كم هو صعب‏اخفاء الحب..‏تابع ‏الجنون : ‏خمسة وتسعون....... سبعة وتسعون....‏وعندما ‏وصل ‏الجنون ‏في تعداده الى: مائة‏قفز ‏الحب ‏وسط أجمة من الورد.. واختفى بداخلها..‏فتح ‏الجنون ‏عينيه.. ‏وبدأ البحث صائحا": أنا آت‏اليكم.... ‏أنا آت اليكم....‏كان ‏الكسل ‏أول من ‏أنكشف...لأنه لم يبذل أي جهد في‏إخفاء نفسه..‏ثم ظهرت ‏الرقّة ‏المختفية في القمر...‏وبعدها.. خرج ‏الكذب ‏من قاع البحيرة مقطوع النفس...‏واشار على ‏الشوق ‏ان يرجع من باطن الأرض...‏وجدهم ‏الجنون ‏جميعا".. واحدا بعد الآخر....‏ماعدا ‏الحب...‏كاد يصاب بالأحباط واليأس.. في بحثه عن ‏الحب...‏حين اقترب منه ‏الحسد‏وهمس في أذنه:‏الحب ‏مختف ‏في شجيرة الورد...‏التقط ‏الجنون ‏شوكة خشبية أشبه بالرمح.. وبدأ في‏طعن شجيرة‏الورد بشكل طائش‏ولم يتوقف الا عندما سمع صوت بكاء يمزق القلوب...‏ظهر ‏الحب.. ‏وهو يحجب عينيه بيديه.. والدم يقطر من‏بين أصابعه...‏صاح ‏الجنون ‏نادما": يا الهي ماذا فعلت؟..‏ماذا أفعل كي أصلح غلطتي بعد أن أفقدتك ‏البصر ؟...‏أجابه ‏الحب: ‏لن تستطيع إعادة ‏النظر لي... لكن‏لازال هناك ماتستطيع‏فعله لأجلي... كن دليلي..‏وهذا ماحصل من يومها....يمضي ‏الحب ‏الأعمى..‏يقوده ‏الجنون

ماذا تفعل اذا كان الصمت طبعك ؟ ماذا تفعل اذا كان الصمت طبعك ؟

يقال أن الصمت أبلغ لغات الكلام... ويقال ان الكلام من فضة فالسكوت من ذهب... قيل الكثير عن الصمت......والكثير منا يعانون من الصمت... ولكن ماذا تفعل إذا كان الصمت طبعك عند الحزن والغضب .. ؟؟ عندما يسيء اليك عزيز لديك بكلمة أو تصرف ... فيلفك الصمت وتتجمد الحروف على شفتيك .. وتتحجر الدموع في عينيك . ماذا تفعل ؟؟ إذا تجاهل هذا الشخص ألمك .. وتناسى إساءته .. وتابع حياته معك وكأن شيئا لم يكن .. والصمت طبعك .. والألم بداخلك يقتلك .. ماذا تفعل ؟؟ إذا تجاهلك عزيز لديك والتفت الى أولويات واهتمامات أخرى وابتعد عنك .. وأنت تركض خلفه تريد احتضانه .... ويستمر باهتماماته الاخرى .. فتتركه وتبقى مع ذكرياتك ....يعود اليك لائما معاتبا متهما اياك بالبرود والابتعاد عنه .... وانت بصمتك لاتستطيع ان تقول له انه المخطىء وترد على اتهاماته ... وتبقى مع ألمك الداخلي لاتستطيع حتى أن ترتشف قطرة الماء تشعر أن كل شيء فيك قد تجمد .. ماذا تفعل ؟؟ إذا تعلقت بإنسان وشعرت انك بوجوده معك قد ملكت العالم بيديك .. واختفى من حياتك , وهو يعرف انه بتصرفه سيقتلك قلقا وخوفا عليه .... ويتركك تنهار وتنهار وتتحطم ......ويعود إليك معاتبا متسائلا لماذا تغيرت ؟؟ وأنت تقف حائرا وتشعر أن جميع حروف الهجاء قد اختفت من ذاكرتك .... . فالصمت طبعك .. ماذا تفعل ؟؟؟؟ عندما ينظر إليك الناس على انك متكبرمتعالي عليهم .. ولكن حقيقتك ونقطة ضعفك أنك تخاف الاختلاط بهم خوفا من اية اساءة مقصودة أو غير مقصودة تقف امامها عاجزا عن الرد .... ماذا تفعل ؟؟ عندما تهرب بصمتك ممن اساء اليك لتبكي بمفردك وتبكي ... وعليك أن تظهر أمام الناس بانك سعيد وقوي.. مرح متفائل ... ماذا تفعل ؟؟؟ عندما تشعر بأن قلبك اصبح اضعف من أن يحتمل المزيد من الالم .. ممن حولك .. وأنت لاتعرف أن تتكلم عند الحزن والغضب .. ولا تعرف أن تلوم أو تعاتب ... ماذا تفعل ؟؟ عندما يحضنك ارق انسان واحن قلب عليك _ أمك _ وتبحث في عينيك عن اسباب حزنك .. فأنت عاجز عن النطق وخائفا من أن تكتشف بحدسها اسباب حزنك .... وانت حريصا على ان لاتسيء امام الناس لمن كان سبب آلامك ... ماذا تفعل ؟؟ هل جربتم يوما شيئا كهذا ؟؟ هل احسستم بالم الصمت ؟؟ عند صمتكم بهذه الحالات لن تستطيعون الكلام ولا الشراب أو الاكل .. قد تستمرون لساعات أو ايام حسب الإساءة .. يتبعها ألم قاتل بالمعدة وتشنج ومضاعافات ذلك قد يستمر لاشهر . ماذا تفعلون إذا كنتم لاتستطيعون التغلب على نقطة ضعفكم التي هي صمتكم عندما يساء اليكم ؟؟ ماذا تفعل اذا كان الصمت طبعك ؟

بين يوم وليلة ..

داخلة المحاضرة .. بفتح الشنطة ملقتش كشكول المحاضرات.. اتسرعت .. قلت فى نفسى اكيد فى البيت .. واستلفت ورقة من حد وكتبت المحاضرة .. روحت البيت دورت على الكشكول .. هديت الدنيا .. وملقتش حاجة .. وشى قلب وكنت هاعيط .. معقولة مجهود التيرم كله يروح .. يعنى افضل احضر فى محاضرات احضر فى محاضرات وفى الاخر يضيعوا كدا بكل سهولة .. شوية واختى قالت لى اتصلى بهبة اعرفى هاتخرجلكوا ولا لا - هبة دى بقى كانت زميلة اختى والمفروض انها هاتخرج لنا المشروع - بس دا مش عشان انا مبعرفش اخرج .. لا بس عشان مش هاعرف اسيطر على اتناشر نفراية كل نفراية ونفراية بميت نفراية لوحدها .. دا غير ان كل نفراية ليها راى ورؤية رائعة ..وعاوزة تنفذها !!

المهم اتصلت بهبة وانا بفكر وديت كشكول المحاضرات فين .. الهاتف الذى طلبته غير موجود بالخدمة .. ايه اليوم الجميل دا..

كلمتها على الموبايل وخدت الرقم تانى .. مشغول .. كلمتنى هى وزى كل المخرجين اللى قبلها ... هاتعرض خدماتها من غير ماتنزل تصور - كأن احنا عندنا جرب بنطفش المخرجين !!-

تانى يوم ينقلب الحال 180 درجة .. اطلع الاقى الكشكول بكل سهولة عند العامل بتاع الغرفة اللى كنا بناخد فيه محاضرة اسامة ( اذا كنت متعرفش مين اسامة ارجع للبوست السابق ) واكتشف انى لما كنت فى المحاضرة اللى فاتت طلعت اقول خبر .. وقعت الكشكول تحت البنج (الديسك يعنى ) ونسيت من لهوجتى اجيبه تانى ... وفى نفس اليوم برده الاقى اختى بتتصل بيا وجايبة لنا مخرج قرر اخيرا انه يكمل معانا (يظهر مامته داعية عليه !!) ويارب ميكنش ورايا دلوقتى... اصلى كل ماتكلم على حد يطلع ورايا ...

الامور بتتبدل من لحظة للتانية .. تبات نار تصبح رماد .. تتراكم الهموم فى لحظة وتتفك فى لحظة ... يعنى فى اليوم اللى بعده وبعد الامور ما اتعدلت شوية وبعد ماناخد موافقة على فكرة .. اينعم اجبرنا عليها.. بس حبيناها.. نكتشف بالصدفة انها مش هاتدخل التقييم ليه علشان صامتة .. ويبقى الدكتور بيقول حلوة .. ورئيسة القسم تقول مش هاتنفع .. واحنا اللى ضايعين فى النص (ادى حال التعليم المصرى) ... وكمان فى نفس اليوم اسمع انى مش طالعة الاقصر واسوان اللى هى حلم حياتى وبستناها بقالى اربع سنين .. والسن اللى فاتت مطلعتهاش عشان امتحان الميد تيرم .. والسنة دى لنفس السبب مش هاطلع الرحلة واسمع الخبرين فى نفس اليوم - محدش عنده رحلة سلف للاقصر واسوان علشان انا مش هاعرف اطلعها تانى .. بزمتكوا مش ليا حق احقد على اختى اللى طلعتها اربع مرات ؟! -.. واروح اتخانق مع الدكتور واقوله انه بيضطهدنى ويقهرنى ويتريق عليا فى كل راى اقوله ...وخاطرت بمستقبلى علشان اعبر عن رايي ومعيياش من الخنقة ... يووه دا كان يوم جميل اوى الصراحة .. اينعم هو متبدلش للاحسن لحد دلوقتى .. بس انا برده مؤمنة بالمقولة اللى بتقول :

" ضاقت ولما استحكمت حلقاتها فرجت "

ويا انا يانتى ياسنة رابعة !!!!

الاعلامية المهيــــــــ ايار الكويسة ــــــــــسة

هناك فرق

المدير الأجنبي : يسعى لتثبيت قدم الشركة

المدير المصري : يسعى لتثبيت قدمه في الشركة

المدير الأجنبي : يحترم آدمية الموظف

المدير المصري: لا يعرف يعني ايه آدمية

المدير الأجنبي: يبدأ كلامه بجملة "أنا اعتقد"

المدير المصري: يبدأ كلامه بجملة "أنا قررت"

المدير الأجنبي: تتفانى في العمل يرقيك

المدير المصري: تتفانى في مدحه يرقيك

المدير الأجنبي: يضعلك خطة تتناسب مع قدراتك

المدير المصري: يضعلك خطة تتناسب مع خياله

المدير الأجنبي: يستمع لك

المدير المصري: يستمع لزميلتك في العمل

المدير الأجنبي: يثق فيك

المدير المصري: يثق في نفسه

المدير اجنبي: يتحدث معك بصراحة

المدير المصري: يتحدث معك بوقاحة

المدير الأجنبي: مسموح لك أن تشكيه

المدير المصري: مسموح لك أن تمدح فيه

المدير الأجنبي: يناقشك إذا طلبت الاستقالة

المدير المصري: يدفعك إلى الاستقالة

المدير الأجنبي: يعاملك حسب حالتك النفسية

المدير المصري: يعاملك حسب حالته المزاجية

المدير الأجنبي: يقول لك "Good Morning"

المدير المصري: يقول لك "انت جيت؟"

المدير الأجنبي : يفضل أن يمدحك أمام الاخرين

المدير المصري: يفضل أن تمدحه أمام الآخرين

المدير الأجنبي : يوم حلو .. يوم مر

المدير المصري : يوم مر .. يوم أمر

المدير الأجنبي : يراقبك

المدير المصري: يتجسس عليك

المدير الأجنبي: يطور أفكارك وينسبها لك

المدير المصري: يسرق افكارك وينسبها لنفسه

المدير الأجنبي : تطلب منه إجازة

المدير المصري: تترجى منه إجازة

المدير الأجنبي : يهنئك بالعيد

المدير المصري : يطلب منك العمل في العيد

المدير الأجنبي: يرى مستقبلك واعد

المدير المصري: يرى مستقبلك في ايده

المدير الأجنبي: يمسك أعصابه إذا اختلفت معه

المدير المصري: يمسك في زمارة رقبتك لو فكرت في الاختلاف

المدير الأجنبي: ينتظر سماع رأيك في العمل

المدير المصري: ينتظر سماع رأيك فيه

المدير الأجنبي: تيجي تاخد إجازة يقولك خد

المدير المصري : تيجي تاخد إجازة يقولك "خد"

المدير الأجنبي: يثير أفكارك

المدير المصري: يثير أعصابك

المدير الأجنبي : يناقشك بالصوت

المدير المصري: يناقشك بالسوط

المدير الأجنبي : يريدك أن تقول "انا اقترح"

المدير المصري: يريدك أن تقول "انا أؤيد"

المدير الأجنبي: بيجيب مكاسب من أجلك

المدير المصري: بيجيب أجلك

المدير الأجنبي : كلمته زي السيف

المدير المصري: كلمته زي الزفت

المدير الأجنبي : بقراراته يرفعك

المدير المصري: بقراراته "يرفعك"

المدير الأجنبي: يعاملك باللتي هي أحسن

المدير المصري: يعاملك باللتي هي في رجله

مش هقول غير ان الصوره دي هي فعلا ما يحدث هنا في بلدنا ولا تعليق بعد كده

وسمعني سلام الكبير كبير والنص نص نص والصغير هو المسؤل تاتاتاتاتاتا

احمد فؤاد نجم يـــــــــــــــــــــا شعبي وحبيـــــــبـــي

يا شعبي وحبيبي، يا بختي ونصيبي، باحاطك في جيبي، يابن الحلال

يا شعبي يا شاطر، يا جابر خواطر، يا ساكن مقابر، وصابر وعال

يا واكل سمومك، يا بايع هدومك، يا حامل همومك، و شايل جبال

يا شعبي يا نايم، وسارح وهايم، وفي الفقر عايم، وحاله ده حال

احبك محشش، مفرفش مطنش، ودايخ مدروخ، واخر نسطال

احبك مكبر، دماغك مخدر، ممشي امورك، كده باتكال

واحب اللي ينصب، واحب اللي يكدب، واحب اللي ينهب، ويسرق تلال

واحب اللي شايف، وعارف وخايف، وبالع لسانه، وكاتم مقال

واحب اللي قافل، عيونه وغافل، واحب البهايم، واحب البغال

واحب اللي راضي، واحب اللي فاضي، واحب اللي عايز، يربي العيال

واحب اللي يائس، واحب اللي بائس، واحب اللي محبط، وشايف محال

واحبك تسافر، وتبعد تهاجر، وتبعت فلوسك، دولار او ريال

واحبك تطبل، تهلل تهبل، عشان ماطش كوره، وفيلم ومقال

واحبك تأيد، تعضد تمجد، توافق تنافق، وتلحس نعال

تحضر نشادر، تجمع كوادر، تلمع تقمع، تظبط مجال

لكن لو تفكر، تخطط تقرر، تشغل لي مخك، وتفتح جدال

وتبدأ تشاكل، وتعمل مشاكل، وتنكش مسائل، وتسأل سؤال

أوعايز تنور، وعايز تطور، وتعمللي روحك، مفرد رجال

ساعتها حجيبك، لايمكن اسيبك، وراح تبقى عبره، وتصبح مثال

حبهدل جنابك، وأذل اللي جابك، وحيكون عذابك، ده فوق لاحتمال

وامرمط سعادتك، واهزأ سيادتك، واخلي كرامتك، في حالة هزال

وتلبس قضيه، وتصبح رزيه، وباقي حياتك، تعيش في انعزال

حتقبل ححبك، حترفض حلبك، حتطلع حتنزل، حجيبلك جماال

ايه الرقم الرخم دا؟!

يا خبر .. دا انهاردة واحد تلاتة يا احمد .. انا مبحبش رقم تلاتة يا احمد ..حد يبدأ كتابة فى مدونته يوم واحد , شهر تلاته ياربى .. يعنى مفيش ولا رقم زوجى يلطف الجو كدا شوية , ايه الكأبة دى .. اينعم انا اختى اسمها ازار يعنى شهر مارس بس بالسريانى - ودى لغة غريبة كدا سادت بين الهيروغليفى والهيراطيقى زمااااان اوى ايام جدودنا المفرعنين قصدى الفراعين- وانا اسمى ايار يعنى شهر مايو بنفس اللغة ومايو يعنى خمسة يعنى فردى برده ..لكن اهى اسمائنا ولازم نستحملها لكن معلش ياجماعة اعزرونى .. اصلى من الناس اللى بتتفائل وتتشائم بس مش لدرجة حجاب فى رقبتى ولا فاسوخة على باب بيتنا ولا خرزة زرقا فى السلسلة لا سمح الله ..لكن انا فى العموم مبحبش الارقام الفردية بحس كدا ان كل الارقام الفردية ارقام مخلوقة بس ..علشان تعقد لنا الدنيا مثلا رقم واحد يعنى( وحدة )..يعنى تخيل لو انت واحد وبتتمشى على النيل - شكلك هايبقى وحش اوى - لكن اتنين (ونس ) خاصة لو التانى دا .. حد بتحبه .. , اما تلاتة بقى (يع خالص).. يعنى لو تلاتة اصحاب يبقى فيها حالتين: يا اما اتنين بيتكلموا ومنفضين للتالت , يا اما اتنين بيتخانقوا على واحد.. لكن تخيل بقى لو اربعة - ياسلاااام -اتنين يقعدوا مع بعض واتنين يقعدوا مع بعض - من غير خناق ولا وجع قلب - وتخيل مثلا لو معاك خمس شيكولاتات هاتوزعم على ستة من اصحابك يااااه - شكلك هايبقى اعة اخر حاجة - وعلشان كدا ياجماعه انا بعلن عصيانى على كل الارقام الفردية .. وبعلن حبى وعشقى لكل الارقام الزوجية حتى الصفر - اه والله حتى الصفر - ماهى حالة العدم دى برده بتفيد فى اوقات كتير ..

وبقول ربنا يستر بس ويعدى انهاردة على خير ومشفش قطة سودا وانا نازلة الجامعة ولا حاجة .. ومعلش بقى امرى وامركم لله اننا بدانا المدونة يوم واحد تلاتة وان شاء الله اتنين تلاتة يبقى احلى واربعه تلاتة يبقى احلى واحلى .. بمشاركاتكم طبعا ..

وسمعنى سلام ياليلة العيد انستينا .... !

الاعلامية المهيــــــــــــ ايار الكويسة ـــــــــــــــسة